தாய் தந்தைக்கும் குழந்தைக்குமான உறவு
கணவன் மனைவிக்கிடையேயான உறவு சகோதர உறவுகள் மற்றும் நம்மை சுற்றியிருக்கும் அனைத்து உறவுகளும் மேலும் நாம் பார்க்கும் சந்திக்கும் நபர்களும் ஏதோ ஒரு வகையில் நம்முள் தாக்கத்தை ஏற்படுத்தி விட்டுச் சென்ற நபர்களும் நம்முடன் ஒரு வகையில் பூர்வஜென்ம தொடர்பில் தொடர்பில் இருந்தவர்களே ....அந்த பூர்வ ஜன்ம பற்று அறுந்து விடாமல் நம்முடன் பயணிக்கும் அவர்களின் தொடர்பு இருந்து கொண்டே தான் இருக்கும் இந்த ஜென்மத்திலும். உங்கள் ஆத்மாவிற்கு துணையாக உங்களோடு சேர்ந்து பயணிக்கும் அந்த நபர் நீங்கள் வாழ்க்கையில் கண்ட தருணத்தில் சில அறிகுறிகள் மூலமாக அதனை நீங்கள் எளிதில் கண்டு உணரலாம் . அந்த நபரை பார்த்த தருணம் உங்களுள் ஒர் பரவசம் ஏற்பட்டதை உணர்ந்திருப்பீர்கள் நேரம் கடந்து மணிக்கணக்கில் பேசினாலும் அதே உற்சாகத்துடன் உங்களால் அவருடன் பேச முடியும் என்றால் என்றால் அந்த நபர் உங்கள் ஆத்மாவின் தொடர்பு பெற்றவரே.. உங்களை அறியாமலேயே அவரின் நினைவுகளால் அதிகம் ஆட்கொள்ள படுவீர்கள்..
நீங்கள் அவரை அதிகம் நினைக்கும் தருணங்கள் அந்த நபர் உங்களை தொடர்புகொண்டு பேசுவார் அல்லது உங்களுக்கு ஏதேனும் தகவல்களை அனுப்புவார் இந்த மாதிரி நிகழ்வுகள் அடிக்கடி உங்களுக்குள் ஏற்படும் அப்படிப்பட்ட நபர் தான் உங்கள் ஆத்மாவின் துணையாக இந்த ஜென்மத்தில் உங்களோடு பயணிக்க வந்தவர் .
அந்த நபரிடம் தான் உங்களது எல்லா ரகசியங்களையும் உங்களை அறியாமலேயே நீங்கள் சொல்லக் கூடியவராகவும் இருப்பீர்கள்.
சில நேரங்களில் உங்களுக்கு இடையேயான நேரடி தொடர்பு துண்டிக்கப்பட்டு இருந்தாலும் உங்கள் ஆழ்மன தொடர்பு என்பது இருந்துகொண்டேதான் இருக்கும்
அந்த நிலையில் அவர் மீண்டும் உங்களிடம் வந்து பேசும்பொழுது அதே பழைய உற்சாகத்துடனும் அதே பழைய நேசத்துடன் உங்களால் பழக முடிகிறது என்றால் அவர் உங்கள் ஜென்மாந்திர தொடர்புடைய ஆத்ம நட்பே.
முற்பிறவி தொடர்பை ஏற்படுத்திக் கொள்ளவும் உங்களுக்கு நல்லது செய்வதற்காகவும் அந்த ஆத்மா தற்பொழுது உங்களையே சுற்றி வருவதையும் நீங்கள் நன்கு உணர முடியும் அவரின் அருகாமை அவரின் இருப்பு உங்களை அதிகப் பாதுகாப்புடன் இருப்பதை உறுதி செய்யும் ஏன் இவர் நம்மில் இவ்வளவு மாற்றங்கள் செய்கிறார் என்று அடிக்கடி நீங்கள் சிந்தித்துக் கொண்டே இருப்பீர்கள் இது அத்தனைக்கும் விடை அவர் உங்கள் ஆத்மாவின் நட்பாக அமைந்து உங்களோடு சேர்ந்து பயணிக்கவே இந்த ஜென்மத்திலும் பிறந்து இருக்கிறார் என்பதே
உங்களின் முதல் சந்திப்பு அல்லது முதல் பார்வையே அதை உங்களுக்கு உணர்த்தியிருக்கும்...
அப்படிப்பட்ட ஒரு நபரை நீங்கள் வாழ்க்கையில் இன்னும் சந்திக்கவில்லை என்றால் பொறுத்திருங்கள் காலம் ஒருநாள் உங்களை அவருடன் சேர்த்து பயணிக்க வைக்கும்
No comments:
Post a Comment